Türkiyə prezidenti Rəcəb Tayyib Ərdoğan Rusiya səfərindən əvvəl jurnalistlərə müsahibə verib.
Avropa.info xəbər verir ki, Ərdoğan türk və rus biznesmenlərinin görüşəcəyini, vizasız rejimin gündəmdə olduğunu bildirib.
“Sizin də yaxından izlədiyiniz qədər Rusiya ilə müzakirələr aparırıq. 2010-cu ildə təşkil etdiyimiz ali səviyyədə şura iclasları davam edir. Bu iclas cənab Putinlə bu ilin əvvəlindən etibarən üz-üzə həyata keçirdiyimiz üçüncü görüş olacaq. Suriya başda olmaqla beynəlxalq və ikitərəfli mövzuları müzakirə edəcəyik.
Türk və rus biznesmenləri görüşəcək. Vizasız rejimdə gündəmdə yer alan əsas mövzulardan biridir. Yek maşını sürücüləri üçün tətbiq olunan vizasız rejimin dərhal fəaliyyətə keçməsi, sonra isə bütün vətəndaşlarımız üçün tətbiq olunması gündəmimizdədir.
Rusiya ilə müdafiə sahəsində əməkdaşlığımızı qarşılıqlı hərbi istehsal təminindən ortaq istehsal imkanlarına qədər geniş çərçivədə müdafiə sənayesi iki ölkə arasında münasibətlərin vacib miqyasını təşkil edir və etməkdə davam edəcək”.
Ərdoğan Suriya və Yaxın Şərqdə baş verən proseslərə də münasibət bildirb:
“Bir gecə qəflətən gəlməsi lazım olan yerə gələ bilərik. Bu səfərimiz çərçivəsində baş-baş müzakirə edəcəyimiz məsələlərdəndir.
Netanyahunun gördüyü hər iş beynəlxalq hüquqa ziddir. Bu günə qədər qanuni olaraq etdikləri heç bir şey yoxdur. BMT-nin verdiyi qərarlara da ziddir. Təbii Amerikanın arxalarına alaraq bu iş görürlər. Paytaxt məsələsində də arxalarında Amerika vardı. Qolanda da, İordan çayının Qərb sahilində də eyni addımları görürük. BMT Təhlükəsizlik Şurasından buna etiraz gəldimi, xeyr! Bu işi oldu-qurtardı halına gətirmək istəyirlər. Yaxın Şərq üçün qaranlıq gələcək hazırlanır. İordan çayının Qərb sahili də Fələstin torpaqlarıdır”.
Ərdoğan İstanbulda keçirilən seçki ilə də bağlı münasibət bildirib:
“İstanbulda qanun pozuntuları bəzi yerlərdə deyil, demək olar hər yerdədir. Seçki prosesi bitdi. Bundan sonrakı proses hüquqi prosesdir. YSK, xüsusilə bütün siyasi partiyalar üçün, xalqımızın demokratik haqlarını hüquq çərçivəsində qorumaq məsuliyyətimiz var. “Biz burada mütəşəkkil cinayətlərə yol verildiyini gördük, görürük” deyirlər. Biz də bəzi cinayətlərə yol verildiyini görürük. Pozuntular bəzi yerlərdə deyil, haradasa hər yerdə pozuntu var.
Bəzi televiziya, kamera qeydləri var. Harada, necə pozuntulara yol verilib, boş ərazilərdə, tarlalarda, ünvanlarda necə səs verilib görürük.
Bütün bunlara qarşı addımlar atacağıq. Keçmişdə Yalovada, Ağrıda bunlara aid nümunələr var. ABŞ-da 1% problemi səs olarsa seçkinin təkrar keçirilməsinə gedirlər. 13-14 min səs fərqi ilə kimsənin seçkini uddum demək haqqı yoxdur.
Mütəşəkkil cinayətkarlıqla bağlı prokurorlara müraciətlər var, prokurorlar da bu sübutlara əsaslanaraq lazım olanı görəcəklər. Seçki qutularında oğurluq halları var. Ümid edirəm, ən ideal şəkildə nöqtəni qoyarıq.
Qanunlara ziddə şüar asılmadıqdan sonra kimsənin deyəcək sözü yoxdur. Nə üçün “Təşəkkürlər İstanbul” şüarları asıl müzakirələri gedir. Seçki başa çatıb, İstanbul əhalisinə təşəkkür etməkdən təbii nə ola bilər. Amma bütün məsələ YSK-nın son nöqtəni qoyduğu andır”.
Nyus.Az
