Ankara Qolan təpələri ilə bağlı məsələni BMT Baş Assambleyasında müzakirəyə çıxartmaq niyyətindədir.

Virtualaz.org yerli KİV-ə istinadən bildirir ki, bunu Türkiyə prezidenti Rəcəb Tayyib Ərdoğan deyib.

"BMT artıq bu məsələdə qəti qərarı qəbul etdi. Mən Trampla görüşməyə və ona deməyə hazırlaşıram ki, o, seçkilərlə bağlı Qolan təpələrini qızıl sinidə Netanyahuya hədiyyə etməklə səhv edir. Bu, bütün dünyada sülhə təhdiddir. Biz bu problemi BMT-də gündəmə gətirəcəyik. Mümkün deyil ki, BMT ABŞ-ın bu qərarını bəyənsin", - Ərdoğan vurğulayıb.

Qeyd edək ki, İsrail Suriyanın Qolan təpələrini 1967-ci ildə tutub. ABŞ prezidenti Donald Tramp isə az öncə İsrailin Qolan təpələri üzərində hakimiyyətini tanıyacağını bəyan edib.

Nyus.Az