Rusiya prezidenti Vladimir Putinin Səudiyyə Ərəbistanının kralı Salman Ben Abdel Əziz Əl Saudla telefon danışığı olub.

Virtualaz.org bildirir ki, bu barədə Kremlin mətbuat xidməti məlumat yayıb.

Telefon danışığı zamanı tərəflər dünya karbohidrogen bazarlarında iki ölkə arasında qarşılıqlı fəaliyyəti bundan sonra da davam etdirməyə hazır olduqlarını bildiriblər.

Suriya məsələsi müzakirə olunarkən, liderlər münaqişənin tezliklə başa çatmasında maraqlı olduqlarını vurğulayıblar.

Bundan başqa, Putin və Salam Əl Saud Şimali Afrika və Yəməndəki qeyri-sabit situasiyanı gözdən keçiriblər.

Tərəflər çoxşaxəli Rusiya-Səudiyyə Ərəbistanı əlaqələrinin gələcəkdə daha da möhkəmləndirilməsinə ümidlərini də ifadə ediblər.

“İkitərəfli əməkdaşlıqla bağlı aktual məsələlər müzakirə olunub. Hər iki tərəf ticari-iqtisadi və investisiya sahələri daxil olmaqla ali səviyyədə işbirliyini yüksək qiymətləndiriblər. Çoxşaxəli Rusiya-Səudiyyə Ərəbistanı əlaqələrinin gələcəkdə möhkəmləndirilməsi ilə bağlı birgə ümidlərini ifadə ediblər”, - deyə məlumatda bildirilir.

Putin kralı uyğun vaxtda Rusiyaya səfər etməyə çağırıb.

Nyus.Az