Ötən həftənin cümə axşamından İspaniya ərazisində başlayan kəskin soyuq hava yollarda və digər nəqliyyat vasitələrində problemlər yaratmaqda davam edir. Belə ki, ölkənin 350 avtomobil yolunda (22 magistral yol daxil olmaqla), yüksək sürətli qatarların hərəkətlərində və Madridin Adolfo Suarez hava limanında ləngimələr yaranıb. Madrid hava limanında 70 reys təxirə salınıb və ya gecikib.

İntensiv yağan qar nəticəsində İspaniyada 50 min məktəbli dərsə gedə bilməyib.

AZƏRTAC xəbər verir ki, meteoroloqların proqnozlarına görə, həftənin sonunadək davam edəcək soyuq hava mənfi 15 dərəcəyədək dəyişəcək. Belə hava İspaniyada norma olmadığı üçün çətinliklər yaradır. Ən güclü qar yağıntıları ölkənin Ueska, Teruel, Kantabriya, Tarraqon, Kastelyon və Asturiya vilayətlərinə düşəcək.
Nyus.Az