ABŞ Maliyyə Nazirliyi Rusiyaya xidmət edən ödəniş şəbəkəsinə qarşı sanksiya tətbiq edib.
Nyus.Az nazirliyin saytında yerləşdirilən açıqlamaya istinadən xəbər verir ki, A7 ödəniş şəbəkəsi 2025-ci ildə Rusiyanın xarici ticarətinin təxminən 13 faizinin maliyyələşməsini təmin edib.
Bildirilir ki, A7 Qərb sanksiyalarından yayınmaq üçün yaradılıb, lakin İran da daxil olmaqla digər ölkələr də onun infrastrukturundan istifadə ediblər. Vaşinqton şəbəkəni böyük transmilli cinayətkar təşkilat elan edib və ABŞ maliyyə qurumlarının onun subagentləri ilə əməliyyatlar aparmasını qadağan edib.
Qeyd edək ki, A7 Moldovalı rusiyapərəst iş adamı İlan Şorla əlaqəlidir. ABŞ Maliyyə Nazirliyinin məlumatına görə, şəbəkə gündə 91,5 milyard dollar dəyərində 2000-dən çox əməliyyat emal edir.(Musavat.com)
Nyus.Az
