Suriyanın Hama əyalətinin Masyaf şəhərindəki tədqiqat mərkəzinin ərazisində yerləşən anbarda sursat partlayışı baş verib.
Nyus.Az xəbər verir ki, məlumatı Sham TV yayıb.
Kanalın məlumatına görə, mərkəz əyalətin qərb hissəsində mühüm hərbi obyekt hesab olunur. Partlayışların nəticələri və ya mümkün itkilər barədə heç bir məlumat verilməyib.
Bu kompleksə keçmişdə dəfələrlə İsrail Hərbi Hava Qüvvələri zərbə endirib.
Qeyd edək ki, 21 sentyabrda oxşar hadisə Hələbin cənubundaı Əl-Eis rayonundakı hərbi bazada baş verib və nəticədə ən azı dörd nəfər yaralanıb. Anbarlarda sursatın davamlı partlaması səbəbindən hakimiyyət orqanları Dəməşq-Hələb avtomobil yolunu bağlamaq və sakinləri yaxınlıqdakı evlərdən təxliyə etmək məcburiyyətində qalıb.
18 sentyabrda Suriya ordusunun Deyr əz-Zor şəhərinin şərqindəki silah anbarında baş verən partlayış nəticəsində 11 əsgər həlak olub, daha 9 nəfər yaralanıb. Sentyabrın 9-da İdlib əyalətinin Sarmada şəhəri yaxınlığındakı silah toplama məntəqəsində oxşar hadisə baş vermiş, nəticədə 14 nəfər həlak olmuş, 11 nəfər yaralanmışdı.(Musavat.com)
Nyus.Az
