ABŞ prezidenti Donald Tramp bu gün Cənubi Koreyanın ABŞ-a təxminən 200 milyard dollar sərmayə qoymaq planlarını açıqlamağı planlaşdırır.
Nyus.Az Bloomberg-ə istinadən xəbər verir ki, bunun 54 milyard dolları Alyaska LNG ixrac layihəsinə yönəldiləcək.
Agentlik qeyd edir ki, Amerika lideri onilliklərdir planlaşdırma mərhələsində olan layihəyə dəfələrlə dəstək ifadə etsə də, onun həyata keçirilməsi 1200 kilometrlik boru kəmərinin tikintisini də əhatə edən işin yüksək qiyməti və miqyası səbəbindən çətinləşib. Agentliyin məlumatına görə, Cənubi Koreyanın investisiyası qaz nəqli layihəsi və sonradan onun böyük hissəsinin Asiyaya ixracı üçün çox vacib amildir. Bloomberg qeyd edir ki, Seulun investisiyasının həm ixrac terminalının, həm də qaz kəmərinin tikintisini dəstəkləməsi gözlənilir.
Agentlik xatırladır ki, Amerika layihələrinə 350 milyard dollarlıq investisiya nəzərdə tutan ABŞ-Cənubi Koreya ticarət sazişi 2025-ci ildə bağlanıb. Bu gün Trampın Seul ilə razılaşmaya əsasən dəstək alacaq layihələrin ilk partiyasını açıqlayacağı gözlənilir.(Musavat.com)
Nyus.Az
