Almaniyada Ukraynaya bağlı hərbi qurumlarla əlaqəli növbəti təxribat hadisəsi qeydə alınıb.
Nyus.Az xəbər verir ki, bu dəfə hadisə Ukraynaya avadanlıq tədarük edən müdafiə şirkətinin yaxınlığında baş verib. Gecə naməlum şəxslər Münhendəki Rohde & Schwarz şlirkətinin qərargahı yaxınlığındakı tikinti sahəsinə yandırıcı qurğular atıblar. Şirkət Ukrayna Silahlı Qüvvələrini elektron müharibə, siqnal kəşfiyyatı və dron əleyhinə sistemlər sahəsində yüksək dəqiqlikli avadanlıq və texnologiyalarla təchiz edir.
Hadisədə şübhəli bilinən iki Bolqarıstan vətəndaşı saxlanılıb.
Bundan əvvəl Almaniyanın enerji obyektlərində iki təxribat aktı və Auqsburq dəmir yolu stansiyası yaxınlığında partlayış baş verib.
Berlin bu yaxınlarda Rusiyanı birbaşa Leypsiq hava limanına dron hücumunu təşkil etməkdə ittiham edib və bunu Rusiyanın Avropadakı hibrid əməliyyatlarının bir hissəsi adlandırıb. (Musavat.com)
Nyus.Az
