"Ukrayna Donbas (Donetsk və Luqansk vilayətləri - red.) ərazisini tərk etmək niyyətində deyil".
Nyus.Az qafqazinfo-ya istinadən xəbər verir ki, bu barədə Ukrayna Prezidenti Volodimir Zelenski özünün "Telegram" kanalında yayımladığı müsahibəsində bildirib.
"Heç kim öz dövlətini, öz insanlarını və torpağını atıb çıxıb gedən deyil", - deyə Ukrayna lideri vurğulayıb.
Avqustun 7-də Kiyev Beynəlxalq Sosiologiya İnstitutunun (KMİS) keçirdiyi sorğunun nəticələrinə əsasən, Ukrayna əhalisinin əksəriyyəti Vaşinqton və Avropanın təhlükəsizlik zəmanətləri müqabilində Silahlı Qüvvələrin Donbasdan çıxarılmasının əleyhinədir.
Tədqiqata görə, respondentlərin 60%-i təhlükəsizlik zəmanətləri qarşılığında Ukrayna qoşunlarının Donbasın nəzarətdə olan hissəsindən geri çəkilməsini qətiyyən qəbulolunmaz hesab edir. Sorğuda iştirak edənlərin 33%-i bu şərtlərlə razılaşdığını, 7%-i isə mövqeyini bildirməkdə çətinlik çəkdiyini qeyd edib.
Nyus.Az
