Yaponiyanın Baş naziri Sanae Takaiçi bu gün keçiriləcək parlamentin aşağı palatası üçün növbədənkənar seçkilər elan etməklə baş nazir vəzifəsini təhlükəyə atdığını deyib.
Musavat.com xəbər verir ki, baş nazir bunu seçicilərə videomüraciətində deyib: "Mən bu seçkilərə baş nazir vəzifəmi təhlükəyə ataraq gedirəm".
Hakim Liberal Demokrat Partiyasının (LDP) rəsmi səhifəsində dərc olunmuş videoda Takaiçi qeyd edib ki, LDP-nin böyük qələbəsini göstərən müsbət sorğu məlumatlarına baxmayaraq, onun partiyasının hər bir tərəfdarı mütləq seçki məntəqələrinə getməlidir: "Namizədin təxminən yüz səslə uduzduğu hallar olub. Seçki sistemimizdə hər bir səs bu qədər vacibdir".
Yaponiyada bu gün parlamentin aşağı palatası üçün növbədənkənar seçkilər keçirilir. Son günlərdə aparıcı yerli media tərəfindən aparılan bütün sorğulara görə, LDP-nin 465 yerlik Nümayəndələr Palatasında mütləq çoxluq qazanmaq şansı yüksəkdir. Lakin yerli müşahidəçilər qeyd edirlər ki, Yapon dənizi sahili boyunca bölgələrə yağan güclü qar səsvermədə iştiraka təsir göstərə bilər. Əsas seçki günü güclü qar yağacağı proqnozlaşdırıldığı üçün bir çox seçici səslərini erkən verib. Hakimiyyət orqanlarının məlumatına görə, 28 yanvar - 7 fevral tarixlərində keçirilən erkən səsvermə zamanı bütün seçicilərin 20,09 faizi artıq səs verib.
Nyus.Az
