ABŞ prezidenti Donald Tramp hesab edir ki, İranın sonuncu şahı Rza Pəhləvinin böyük oğlunun İslam Respublikasında dəstək qazanıb-qazanmayacağını müzakirə etmək hələ tezdir.
Nyus.Az xəbər verir ki, o, bu barədə Reuters-ə müsahibəsində danışıb: "O, çox xoş görünür, amma öz ölkəsində necə oynayacağını bilmirəm. Və biz hələ o mərhələdə deyilik. Biz bir çox şeyi araşdırırıq. Amma bunu demək üçün hələ tezdir. Onun ölkəsi ilə necə yola gedəcəyini bilmirəm”.
Tramp İranda Pəhləviyə olan münasibətlə bağlı da qeyri-müəyyənliyin olduğunu deyib: "Ölkəsinin onu lider rolunda qəbul edib-etməyəcəyini bilmirəm, amma qəbul etsəydilər, mən buna qarşı olmazdım".
İranda hakimiyyət dəyişikliyi ehtimalını müzakirə edərkən o, "istənilən rejim yıxıla bilər" deyə qeyd edib. "Yıxılsa da, yıxılmasa da, bu, maraqlı bir zaman olacaq", - deyə Tramp əlavə edib.
Nyus.Az
