Yaponiyanın Fukuoka prefekturasının Yame şəhərində dağlıq ərazidə baş verən təyyarə qəzasında üç nəfər həlak olub.
Nyus.Az xəbər verir ki, polis və yanğınsöndürənlər axtarış zamanı dağlıq ərazidə təyyarə qalıqlarını tapıblar.
Ölənlərdən ikisi Kyoto şəhərindən, biri isə Kobe şəhərindən olub. Polis onların şəxsiyyətini təsdiqləmək üçün araşdırma aparır.
Qəzaya uğradığı güman edilən təyyarə ABŞ-də Cirrus Aircraft şirkəti tərəfindən istehsal olunan Cirrus SR20 model beş nəfərlik tək mühərrikli təyyarə idi.
Nəqliyyat nazirliyinin rəsmi məlumatına görə, təyyarədən təxminən 20 dəqiqə sonra, saat 10:31 radələrində yardım siqnalı alınıb. Təyyarə bazar ertəsi Osaka prefekturasının Yao Hava Limanından Kyushu-Saga Beynəlxalq Hava Limanına gəlib.
Uçuş planına görə, təyyarə çərşənbə axşamı saat 10:15 radələrində Kyushu-Saga Hava Limanından qalxmalı və 12:45 radələrində Yao Hava Limanına çatmalı idi.
Nyus.Az
