Ukrayna Silahlı Qüvvələri iyulun sonuna qədər Almaniya-Ukrayna layihəsi çərçivəsində ilk uzaqmənzilli sistemləri əldə edə biləcək.
Nyus.Az xəbər verir ki, bunu Almaniya Müdafiə Nazirliyində Ukraynaya yardımın əlaqələndirilməsi üzrə işçi qrupunun rəhbəri, general-mayor Kristian Freydinq ZDF telekanalına deyib.
Hazırda Kiyevdə olan general-mayor vurğulayıb ki, Ukrayna sənayesinin nümayəndələri ilə Almaniya tərəfindən maliyyələşdirilən Ukrayna Müdafiə Nazirliyi arasında sazişin imzalanması mərasimi” olub: "Biz bu təşəbbüsü mayın sonunda başladıq və bu təşəbbüsün nəticəsində Ukrayna Silahlı Qüvvələri bu ayın sonuna qədər ilk uzaqmənzilli silah sistemlərini alacaq. Sonra isə üçrəqəmli rəqəmlə ifadə olunan böyük miqdarda istehsal davam edəcək və bu, Ukraynanın hava hücumundan müdafiəsini, Ukraynanın gələcək həftələrdə və aylarda imkanlarını əhəmiyyətli dərəcədə gücləndirəcək".
Eyni zamanda, o qeyd edib ki, Kiyevin “Rusiya ərazisinə dərindən nüfuz edə və anbarlara, komanda məntəqələrinə, aerodromlara, təyyarələrə hücum edə bilən silah sistemlərinə ehtiyacı var”. Onun sözlərinə görə, Almaniya Ukraynanı bu cür silah sistemləri ilə təmin etməyə hazırdır.
Prezident Vladimir Zelenskinin Berlinə səfəri zamanı mayın 28-də iki ölkənin hakimiyyət orqanları Ukraynada uzaqmənzilli silahların istehsalına dair saziş imzalayıblar. İyunun ortalarında Almaniyanın müdafiə naziri Boris Pistorius və Zelenski Kiyevdə Almaniya və Ukraynanın uzunmənzilli döyüş sistemlərinin birgə istehsalına başlamaq niyyətində olduqlarını təsdiqləyiblər. Bunların arasında pilotsuz təyyarələr və qanadlı raketlər də var. İyulun 1-də “Die Welt” qəzeti öz mənbələrinə istinadən yazıb ki, Almaniya Ukrayna üçün uzaqmənzilli döyüş sistemlərinin istehsalını maliyyələşdirməyə başlayıb. Məlumata görə, Almaniya hökumətinin nümayəndələri Ukrayna tərəfi ilə ilk müqavilə imzalayıblar, ona əsasən Almaniya An-196 (“Lyutı”) tipli 500-dən çox uzaqmənzilli pilotsuz uçan aparatın istehsalının xərclərini öz üzərinə götürəcək. //Musavat.com//
Nyus.Az
