Prezident Donald Tramp Ağ Ev administrasiyasına ABŞ-ın Kuba ilə bağlı siyasətini effektiv şəkildə sərtləşdirməyi əmr edib.
Nyus.Az xəbər verir ki, bu mövqe prezident kabinetinin üzvlərinə göndərilən və Ağ Evin mətbuat xidməti tərəfindən yayılan Trampın imzaladığı memorandumunun mətni sübut edir.
Sənəddə, xüsusilə, “Kuba hökumətinə, habelə bu ada dövlətinin silahlı qüvvələrinə və təhlükəsizlik xidmətlərinə qeyri-mütənasib şəkildə fayda verən iqtisadi təcrübələrə son qoyulması” əmr edilir. Memorandum Amerika vətəndaşlarının Kubaya turist səfərlərinə qadağa qoyulmasını təsdiqləyir. Trampın sərəncamı həmçinin “Kubaya qarşı iqtisadi embarqonun dəstəklənməsini” və “BMT və digər beynəlxalq forumlarda” onun ləğvi tədbirlərinə qarşı çıxmağı nəzərdə tutur.
ABŞ maliyyə və ticarət nazirlərinə 30 gün müddətində prezidentin tapşırıqlarını yerinə yetirmək üçün konkret addımlar hazırlamaq, dövlət katibinə isə ABŞ-la iqtisadi qarşılıqlı fəaliyyətdən qeyri-proporsional fayda əldə edən Kuba qurumlarının siyahısını tərtib etmək tapşırılıb.
Memorandumda həmçinin bildirilir ki, Amerika hökuməti təkcə Kubanın siyasi rəhbərliyini deyil, həmkarlar ittifaqlarının rəhbərlərini, dövlət mediasının baş redaktorlarını və onların müavinlərini də sanksiyaya məruz qalan şəxslər hesab edir.
Xatırladaq ki, Birləşmiş Ştatlar 1961-ci ildə adadakı Amerika mülkiyyətinin milliləşdirilməsinə cavab olaraq Kuba ilə diplomatik əlaqələri kəsib, ölkəyə qarşı ticarət və iqtisadi embarqo tətbiq edib. 2014-cü ilin dekabrında ABŞ prezidenti Barak Obama (demokrat) ikitərəfli əlaqələrin normallaşdırılması və sanksiyaların yumşaldılması istiqamətində addımlar atmağa başlayıb. Kuba ilə ABŞ arasında diplomatik münasibətlər 2015-ci il iyulun 20-də bərpa edilib. İki ölkə arasında yaxınlaşma 2017-ci ilin yanvarında ABŞ-da respublikaçı Tramp hakimiyyətə gəldikdən sonra dayandırılıb. Xüsusən o, amerikalıların respublikaya səfəri qaydalarını sərtləşdirib və Kuba ordusunun nəzarətində olan təşkilatlarla iş aparmağa qadağa qoyub. Bunu Kuba Xarici İşlər Nazirliyinin rəhbəri Bruno Rodriqes Parrilla X hesabında qeyd edib ki, Trampın memorandumu adaya qarşı təcavüzü və iqtisadi blokadanı gücləndirir, Amerika hakimiyyətinin “cinayətkar davranışını” nümayiş etdirir: “Bu gün ABŞ hökuməti tərəfindən Kubaya qarşı açıqlanmış prezident memorandumu bütün Kuba xalqını cəzalandıran və bizim inkişafımıza əsas maneə olan təcavüzü və iqtisadi blokadanı gücləndirir. Bu, cinayətkar davranışdır və bütün Kuba xalqının insan hüquqlarının pozulmasıdır”(Musavat.com).
Nyus.Az
