Bu ölkədə cinsiyyət dəyişdirmək yaşı 18-ə qaldırılıb.
Nyusi.Az xarici mətbuata istinadla xəbər verir ki, Braziliyada qəbul edilən yeni qərara əsasən cinsiyyət dəyişdirmək üçün tətbiq olunan hormon müalicəsinin yaş həddi minimum 18 olaraq müəyyənləşdirilib.
Əvvəl yaşı 16-dan yuxarı olan şəxslərə cinsiyyət dəyişdirməyə icazə verilsə də, artıq bunu sadəcə yeniyetməlik dövrünü bitirmiş şəxslər edə bilər.
Qərarı Braziliya Tibb Şurası qəbul edib və bu sahədəki əvvəlki qaydaların ləğv olunduğu bildirilib.
Yeni qərara əsasən doğulduğu cinsiyyətlə özünü eyniləşdirməyən uşaqlara və yeniyetmələrə cinsiyyət uyğunsuzluğu diaqnozu qoyulsa belə onlara yetkinlik dövrünü ləngidən dərmanlar da artıq təyin edilə bilməyəcək.
Hazırda Braziliya parlamentində yetkinlik yaşına çatmayanlara hormon müalicəsi tətbiq edən həkimlərin həbsini nəzərdə tutan bir neçə qanun layihəsi də müzakirəyə çıxarılıb. Parlamentdə çoxluq təşkil edən mühafizəkarlar bu cür təşəbbüsləri dəstəkləyir. İsmayıl /Milli.Az
Nyus.Az
