Dünya iqtisadiyyatında gərginlik artmaqda davam edir. ABŞ prezidenti Donald Trampın Çinə qarşı verdiyi son gömrük rüsumları təhdidi qlobal maliyyə bazarlarını silkələyib.
Tramp sabahadək vaxt qoydu
Nyus.Az xəbər verir ki, "Truth Social" platformasında yayımladığı açıqlamada Tramp bildirib ki, Çinlə razılaşma əldə olunmayacaq və investorlar bu tariflərin bazarlara təsirini "qəbul etməlidir".
Çin Ticarət Nazirliyi ABŞ-ın bu addımını "məcburedici və qeyri-qanuni" adlandıraraq, "əks tədbirlərlə cavab veriləcəyini" bildirib. Açıqlamada deyilir:
"ABŞ bu yolu davam etdirərsə, Çin sona qədər qətiyyətlə cavab verəcək."
Bununla yanaşı, Çin Xalq Bankı kapital bazarlarının sabitliyini qorumaq üçün əlavə dəstək göstərə biləcəyini açıqlayıb.
Tramp administrasiyası Çinə qarşı əvvəlki 10 faizlik baza tarifinə əlavə olaraq 24 faizlik əlavə rüsum, ümumilikdə 34% tarif tətbiq edəcəyini açıqlamışdı. Çin bu addıma cavab olaraq eyni səviyyədə tariflər tətbiq edib və ABŞ-ı Ümumdünya Ticarət Təşkilatına (ÜTT) şikayət edib.
Qlobal ticarət müharibəsinin yeni mərhələyə qədəm qoyduğu bu günlərdə investorlar və dövlətlər diqqətlə növbəti addımları izləyirlər. Dünya bazarlarının sabitliyi isə ciddi risk altındadır.//milli.az//
Nyus.Az
