ABŞ prezidentliyinə namizəd Donald Tramp mart ayında vəkillik xərclərinə 4,9 milyon dollar xərcləyib, onun 6,8 milyon dolları qalıb və vəkillərin xərclərini ödəmək üçün vəsait çatışmazlığı ilə üzləşə bilər.
Nyus.Az “Report”a istinadən xəbər verir ki, bu barədə “Bloomberg” və Politico onun seçki kampaniyasının maliyyələşdirilməsinə dair hesabatların məlumatlarına istinadən yazır.
“Bloomberg” xəbər verir ki, Respublikaçıların Milli Komitəsi (RNC, partiyanın rəhbər orqanı) Trampın vəkillərlə bağlı hesablarını ödəməkdən imtina edib.
O, donorlardan vəsait toplamaq hüququna malik olan “Amerikanı xilas et” siyasi komitəsindən də pul xərcləyib. Bu ilin yanvar ayından komitə vəkillik xərclərinə təxminən 60 milyon dollar xərcləyib, aprelin əvvəlinə isə təxminən 4 milyon dollar nağd pul qalıb.
ABŞ qanunları kampaniya komitəsinin keçmiş prezidentin hüquqi xərclərini birbaşa maliyyələşdirməsini qadağan edir.
ABŞ-da Donald Trampa qarşı bir neçə cinayət işi açılıb. Xüsusilə, keçmiş Amerika lideri və prezidentliyə namizəd ABŞ-ın nüvə arsenalı ilə bağlı sənədləri düzgün saxlamamaqda ittiham olunur.
Nyus.Az
