ABŞ prezidenti Co Bayden Böyük Britaniyanın keçmiş baş naziri Liz Trassdan respublikaçıları Ukraynaya yardım göstərməyə inandırmaq üçün istifadə edə bilər.
Nyus.Az Publika.az-a istinadən xəbər verir ki, bu barədə "Politico"da köşə yazarları Eleni Kurea və Ester Uebber məlumat veriblər.
Qeyd ediblər ki, keçmiş baş nazir ABŞ-a uçub. Jurnalistlər Trassı Baydenin Ukrayna üçün "gizli silahı" adlandırıblar. Onun respublikaçı qanunvericilər arasında skeptiklərdən Ukraynaya dəstək ala biləcəyi planlaşdırılır.
Məqalə müəllifləri deyirlər ki, Trass həm də Amerika siyasi dairələrində müzakirələri "təcridçilikdən uzaq və aktiv beynəlxalq rola" yönləndirməyə kömək etməlidir. Diplomatlar ümid edirlər ki, keçmiş baş nazir Ukraynaya yardım məsələsində çıxılmaz vəziyyətdən çıxmağa kömək etməlidir.
Trass baş nazir kimi ən az postda qalma rekorduna sahibdir. Bir diplomat kimi o, ruslar tərəfindən rus coğrafiyasını bilməməsi ilə yadda qalıb.
Nyus.Az
