Britaniyanın Nottingemşir qraflığının sakini öz qarajında robot yığıb və onunla birlikdə meyxanaya pivə içməyə gedib.
Nyus.Az lent.az-a istinadən bildirir ki, hazırda 34 yaşında olan Rayan Hovard 2018-ci ildə 3D printer alıb və "Conni 5"in başını "Qısa Qapanma" filmindən təkrarlamaq qərarına gəlib. Bundan sonra o, robotun tam surətini metaldan hazırlayıb. Nəticədə kişi android yaratmaq üçün altı il 20 min funt-sterlinq xərcləyib.
Onun yaratdığı robot rəqs edə və danışa bilir, çəkisi 200 kiloqramdır. Hovard "Conni 5"i səsləndirən Tim Blaney ilə görüşüb. O, robotun səsini proqramlaşdırmaq üçün ona məsləhətlər verib.
Hovard iddia edir ki, onun "Conni 5"i orijinalı ilə 99 faiz eynidir. Robotun hündürlüyü təxminən 1,8 metrdir. "İnsanların reaksiyası heyrətamizdir. Onun yanından keçən kimi bəzilərinin ağladığını gördük", Hovard deyib. Kişi robotun onların ailəsinin bir hissəsinə çevrildiyini, hətta onunla danışdığını vurğulayıb.
"Conni 5"in əvvəlcə otağın küncündə dayanması planlaşdırılırdı, lakin indi Hovard onu müxtəlif hərəkətlər etmək üçün proqramlaşdıra bilər. Ailə tez-tez robotu müxtəlif tədbirlərə, o cümlədən toylara, xeyriyyə tədbirlərinə və məktəb tədbirlərinə aparır.
Hovard onu hətta pivə içmək üçün yerli meyxanaya aparıb.
Nyus.Az
