Litva polisi Seym (Parlament) binası yaxınlığında iğtişaşların təşkili ilə bağlı istintaqa başlayıb. Bu barədə yerli KİV-lər polis baş komissarı Renatas Pozhelaya istinadən xəbər verir.
"İlkin araşdırma başlayıb. İğtişaşların təşkilatçılarını ciddi cəza gözləyir", - deyə o, cəzanın nə ola biləcəyini açıqlamayıb. KİV-lərin məlumata görə, kütləvi həbslər davam edir.
***
22:43
Litvanın paytaxtı Vilnüsda Seim (parlament) binasının qarşısında davam edən aksiya iştirakçılarına qarşı polis gözyaşardıcı qazdan istifadə edib. Bu barədə yerli mətbuat xəbər verir.
Qeyd olunur ki, bəzi deputatlar parlament binasını tərk edə bilmirlər. Saat 10:00 -da başlayan etiraz aksiyasında təxminən 4,5 min adam iştirak edib. Hal-hazırda binanın qabağında təxminən 200 nəfər var.
Yerli KİV-lər yazır ki, həm aksiya iştirakçılarının, həm də polis işçilərinin arasında zərərçəkənlər var.
Qeyd edək ki, hökumət sentyabrın 13-dən etibarən peyvənd olunmayan sakinlərə ictimai nəqliyyatdan istifadə etməyi, müəyyən bir kateqoriyalı tibb müəssisələrinə və mağazalara girməyi və bəzi xidmətlərdən istifadə etməyi qadağan etmək niyyətində idi.
