Bolqarıstanda erkən parlament seçkilərində səsvermə sona çatıb. Saat 20:00-da ölkədə 13 minə yaxın seçki məntəqəsi bağlanıb və seçki komissiyaları səsləri saymağa başlayıb.
Mərkəzi Seçki Komissiyasının (MSK) məlumatına görə, saat 16:00-a qədər seçici fəallığı 27,20% -ə çatıb, səsvermədə 1,8 milyon nəfərə yaxın insan iştirak edib. Bu da 4 aprel seçkilərindən xeyli azdır. Seçkilərdə ciddi qanun pozuntuları olmayıb, lakin MSK qanun pozuntusu ilə gün ərzində səhifələrində exit poll məlumatları dərc edən bir neçə internet nəşrini cərimələməyə qərar verib.
Bolqarıstan Xalq Məclisində (parlamentdə) 23 partiya və koalisiyaların nümayəndələri 240 yer uğrunda mübarizə aparıblar.
***9:19
Bu gün Bolqarıstanda 46-cı çağırış Milli Məclisə növbədənkənar parlament seçkiləri keçirilir. 6,7 milyon seçicinin səs verməsi üçün saat 7-də (Bakı vaxtı ilə 08:00 - red) ölkə üzrə 13 minə yaxın seçki məntəqəsi açılıb. Seçki məntəqələrində asayişi qorumaq üçün təxminən 20 min polis səfərbər edilib. Seçkinin qeyri-rəsmi nəticələri saat 20.00-da – seçki məntəqələri bağlandıqdan sonra məlum olacaq.
Səsvermə koronavirus pandemiyası ilə əlaqədar 1,5 metrlik sosial məsafə gözlənilməklə təşkil olunub. Seçki məntəqələrinə daxil olan zaman tibbi maskadan istifadə məcburidir.
Nyus.Az
