BMT Baş katibi Antoniu Quterriş Ukrayna Prezidenti Vladimir Zelenski ilə telefon danışığında, ölkənin şərqində atəşkəsin mütəmadi pozulmasından narahatlığını ifadə edib.
Virtualaz.org TASS-a istinadən bildirir ki, bu barədə Baş katibin rəsmi nümayəndəsi Stefan Dujarrik məlumat verib.
“Baş katib atəşkəsin dəfələrlə pozulmasından narahatlığını və hər hansı gərginliyin artmamasının vacibliyini bir daha vurğulayıb. O, eyni zamanda Normandiya formatı çərçivəsində Minsk razılaşmalarının tam həyata keçirilməsinə yönəlmiş səylərə dəstək veriləcəyəni də bəyan edib”, - deyə Dujarrik bildirib.
Bundan başqa BMT rəhbəri Ukrayna lideri ilə koronavirus pandemiyasına qarşı mübarizəni də müzakirə edib.
Öz növbəsində, Ukrayna liderinin ofisindən məlumat verilib ki, BMT-nin Baş katibi və Zelenski Donbasdakı vəziyyəti və koronavirusa qarşı vaksin
asiya məsələsini müzakirə ediblər. Ukrayna Prezidenti, xüsusilə COVİD-19 pandemiyasının yaratdığı çağırışların aradan qaldırılmasında göstərdiyi səylərə görə Baş katibə təşəkkürünü bildirib.
Donbas mövzusu kontekstində Ukrayna lideri, Quterrişin koronavirus pandemiyası dövründə atəşkəsə dair ötənilki çağırışını dəstəklədiyini bildirib.
Nyus.Az
