Karantin rejiminin tətbiq olunmadığı Braziliya yeni növ koronavirusa yoluxanların sayına görə ilk onluğa daxil olub.

Nyus.Az xəbər verir ki, Ümumdünya Səhiyyə Təşkilatının bugünkü statistikasına əsasən, Braziliyada 190 mindən çox insan Covid-19 virusuna yoluxub. Ötən gün Braziliyada 980 nəfərdə koronavirus testinin nəticələri müsbət çıxıb. Bu ölkədə 13 mindən çox insan koronavirus səbəbindən dünyasını dəyişib.

Bir müddət əvvəl Braziliyanın Amazonas əyalətinin mərkəzi şəhəri olan Manaosda Covid-19-dan ölənlər üçün kütləvi məzar qazılmağa başlayıb.

Qeyd edək ki, Braziliyada koronavirusdan minlərlə insanın ölməsinə baxmayaraq, ölkədə karantin rejimi tətbiq olunmayıb. Koronavirusu ciddi qəbul etməyən ölkə başçısı Jair Bolsonaro bir müddət əvvəl sosial izolyasiya tədbirlərinin keçirilməsinə etiraz məqsədi ilə təşkil olunan aksiyada iştirak edib. O, həmçinin xalqa "evdə qal" çağırışı edən səhiyyə naziri Luiz Henrique Mandetta-nı işdən qovub.(milli.az)


Nyus.Az