[media=https://www.youtube.com/watch?v=A1Vv1TrrRWA&feature=youtu.be]
Cəlilabad rayon təhsil şöbəsinin müdiri Elminaz Nadirovanın qanunsuz əməlləri ilə bağlı redaksiyamıza yeni məlumatlar daxil olub.
Daxil olan məlumatda bildirilir ki, RTŞ-nin müdirəsi sözün əsl mənasında pedoqoji kollektivin əzrayılına çevrilib. İddia olunur ki, bir müddət öncə Cəlilabad rayon təhsilinə gələn yoxlamada xərcə düşən məktəb direktorları bu səbəbdən Elminaz Nadirovanın tələb etdiyi aylıq haqqı ödəyə bilməyiblər. Bundan qəzəblənən Cəlilabad təhsil şöbəsinin müdirəsi rayon məktəblərində total yoxlamalara start verib.Mənbə bildirir ki, “Ölüm mələyi” sayılan RTŞ müdirəsinin məktəblərdə yoxlama aparan adamları məktəb direktorlarına əsl "qəbir əzabı" yaşatdıqları bildirilir.
Daxil olan məlumatda iddia olunur ki, məhz bu sıxma-boğma səbəbindən direktorlardan bir neçəsi infarkt diaqnozu ilə xəstəxanalara düşüblər: Reportyor.org-a danışan mənbənin sözlərinə görə artıq təhsildə direktorlara elə aylıq haqq qoyulub ki, bunu ödəyə bilməyən məktəb direktorları son həddə çatıb onlar Elminaz Nadirovanın kisəsini doldurmaqdan ötrü torba əməliyyatına start veriblər.
Torba əməliyyatı
Cəlilabaddakı mənbəmizin sözlərinə görə, ''torba əməliyyatı''nın biri Alar kənd 2 saylı orta məktəbin pedaqoji şurasının iclası zamanı baş verib. Direktor Lətif Seyfullayevlə sözügedən məktəbin müəllimi Azad Dadaşov arasında mübahisə yaranıb.Mübahisəyə səbəb isə, A. Dadaşovun hər müəllimdən tələb olunan 50 manat pulu vermək istəməməsi olub.
Mübahisə zamanı direktor daha da irəli gedərək A.Dadaşovun kolleqalarını da təhqi edərək onun üzərinə qaldırıb. O iclasdakı müəllimlərə yüksək səslə “Kişiliyiniz çatmır? Yığışın bir ərizə yazın ki, bu adam işə yaramır, torbasını tikək çıxsın getsin. Kimdən artıqdır? Sabirabaddakı törətdiyi hadisələri burda da etmək istəyir” deyərək təhqir edib.Hazırda Cəlilabad rayonunda təhsil çox biabırçı vəziyyətdədir.Rayon təhsil şöbəsi kifayət qədər korrupsiyalaşmış bir şöbədir.Bəzi müəllimlər səslərini çıxarmırlar. Bu isə ümumilikdə təhsilin keyfiyyətinə zərər vurur.
Bunu Cəlilabad rayonunda çalışan müəllimlər deyir. Onlar iddia edirlər ki, rayonun təhsil sahəsində mövcud olan neqativ hallarla bağlı bütün aidiyyəti qurumlara müraciətlər etsələr də heç bir araşdırma aparılmayıb:
TƏHSİL ŞÖBƏSİ BAZARA DÖNÜB
Hər bir məktəb direktoruna ayda müəllimlərdən 1000-1500 manat pul yığılması ilə bağlı tələb qoyulub. Attestatdan keçə bilməyən IX və XI sinif şagirdlərindən rüşvət alır. Məktəb direktorlarına təkidlə üzünü belə görməyən şagirdlərin adının jurnalda getməsi üçün tələb qoyur. Cəlilabad rayonunda 10 belə şagirdi mən özüm faktla göstərə bilərəm. Dəfələrlə bütün aidiyyəti qurumlara müraciət edilib. Bu məsələlərlə maraqlanan yoxdur. Demək olar ki, təhsil şöbəsi monopoliyaya çevrilib, bazara dönüb.
Ümüd edək ki, məsələ yaxın günlərdə Təhsil Nazirliyi tərəfindən ciddi araşdırılacaq və Elminaz Nadirova kabusuna son qoyulacaq.
Araşdırmamız davam edir.
Qeyd edək ki, qarşı tərəfin mövqeyini dərc etməyə hazırıq;
Reportyor.org
Ə.Arifə
