Mütəşəkkil Cinayətkarlığa Qarşı Jurnalistika Layihəsi bu yaxınlarda İspaniyanın İbiza kurortunda 1.2 milyon avroluq saatını oğurlatdıran SOCAR prezidenti Rövnəq Abdullayevin oğlu Rəşad Abdullayevlə bağlı yeni araşdırma dərc edib. OCCRP-nin araşdırmasından görünür ki, Rövnəq Abdullayevin 25 yaşlı oğlu bahalı saat həvəskarıdır. Yazıda təqdim olunan fotoda da Rəşad Abdullayevin qolunda başqa bir dəbdəbəli saat var. "Roger Dubuis” brendinin "Excalibur Quatuor” saatının dəyəri 1 milyon dollar qiymətləndirilir.
Mütəşəkkil Cinayətkarlığa Qarşı Jurnalistika Layihəsi bu yaxınlarda İspaniyanın İbiza kurortunda 1.2 milyon avroluq saatını oğurlatdıran SOCAR prezidenti Rövnəq Abdullayevin oğlu Rəşad Abdullayevlə bağlı yeni araşdırma dərc edib. OCCRP-nin araşdırmasından görünür ki, Rövnəq Abdullayevin 25 yaşlı oğlu bahalı saat həvəskarıdır. Yazıda təqdim olunan fotoda da Rəşad Abdullayevin qolunda başqa bir dəbdəbəli saat var. "Roger Dubuis” brendinin "Excalibur Quatuor” saatının dəyəri 1 milyon dollar qiymətləndirilir.
İspaniyada otel
OCCRP reportyorları şikayətə bu əlavəni gördüklərini yazırlar. Yəni, 25 yaşlı azərbaycanlının İbizada olması, saatın mövcudluğu və dəyəri mübahisələndirilmir.
Seymur Mehtiyevin ünvanı Moskvada, Tverskaya küçəsində göstərilir. Reportyorlar Rusiyada, Azərbaycanda və Böyük Britaniyada bu ad-soyadda adamları tapıblar, ancaq informasiya qıtlığından iddianın konkret kimə məxsus olduğunu müəyyənləşdirə bilməyiblər. Eləcə də bu şəxslərin belə bir bahalı saatı əldə edəcək böyük biznesmenlər olmasına da sübut tapılmayıb.
Moskvadakı ünvanda isə Oleg Kalaev adlı şəxsin qeydiyyatda yaşadığı bəlli olub. O, Rusiyanın Şimali Osetiya-Alaniya Respublikasının keçmiş maliyyə naziri və baş nazir müavini olub. Moskvada olanda həmin mənzildə yaşadığını, Seymur Mehtiyev adlı şəxsi tanımadığını deyib.
1 milyon dollarlıq saat
OCCRP Rəşad Abdullayevin "daha bir” bahalı saatından yazır. 2017-ci ilə rəhbəri olduğu Səbael Futbol Klubunun iclasında qolundakı saatı mütəxəssis dəyərləndirib – Roger Dubuis Excalibur Quatuor markalı bu saatın qiyməti 1 milyon dollardan artıqdır.
Məqalədə deyilir ki, SOCAR Prezidenti Rövnəq Abdullayev də indiyədək bahalı saatlarla görüntülənib, ancaq bu saatlar qiymətinə görə oğlunun taxdıqlarına "yaxın belə düşə bilməz”.
"Bu, ciddi suallar yaradır, SOCAR rəsmiləri və qohumları rəsmi maaşlarından dəfələrlə baha saatlar taxırlar”, – Global Witness təşkilatından Barnaby Pace deyir. O, indiyədək SOCAR-la bağlı araşdırmalar aparıb.
"Biz zaman-zaman SOCAR-ın kontraktlarının həqiqi benefisiarları barədə açıq informasiyanın olmamasından narahatlıq bildirmişik. Ancaq Azərbaycanda korrupsiyayla bağlı suallar qaldıran jurnalistlər və vətəndaş cəmiyyəti fəalları zorakılıq və repressiyayla üzləşirlər, deməli, Azərbaycanın neft sərvətindən kimlərin faydalanması haqda suallar bundan sonra da yalnız artacaq”, – o, sözlərinə əlavə edib.
OCCRP suallarına nə Rəşad Abdullayevdən, nə də SOCAR-dan cavab ala bilib.
(criminal.az)
