Qoç - mübarizə aparmağa ehtiyacın olduğunu dərindən təhlil etmədən döyüşə atılmayın. Yaxın ətrafınızdakı insanlar adi günlərdən fərqli olaraq işlərinizə daha çox qarışırlar. Onlar ehtiyac duymadığınız məsləhətlər verirlər. Bütün bunlara əvvəlcə təmkinlə reaksiya versəniz də, sonradan sinirlənəcək, qıcıqlanacaqsınız.
Günün ikinci yarısında yanınzda iri məbləğdə pul gəzdirməyin. Bədxərclik etməyin, alış-verişdə israfa yol verməyin.
Sevdiyiniz insan sizi xoş sürprizlə sevindirəcək.
Buğa - səhvlər və yanlışlıqların fəsadları aşkarlanır. Həmin fəsadları aradan qaldırmaq, səhv yoldan qayıtmaq zamanıdır. Yaxın ətrafınızdakı insanlar sizdən çox radikal, cəsur addımlar gözləyirlər. Belə addımları atmaq üçün özünüzə, qüvvə və potensialınıza inanmağınız yetər.
Günün ikinci yarısında qətiyyətli, iradəli olun. Özünüzlə tək qalanda verdiyiniz qərarlara, atdığınız addımlara təəssüflənməyin. Axşam saatlarında maraqlı məşğuliyyət, təxəyyül və fantaziyanızı işə salmağa imkan verən iş tapın.
Əkizlər - heç bir zərurət olmadığı halda riskə getməyin. Yalnız ehtiyac yaranarsa, avantüraya qatılmaq olar. Yaxşı gəlir əldə edəcəyinizi düşünməyin. Faydalı və sərfəli tanışlıqlar da olmayacaq.
Günün ikinci yarısında səhhətinizdə kiçik problemlər ola bilər. Sağlıq durumunuz üçün ciddi təhlükə yoxdur. Yeni romantik təmaslar olmayacaq. Layiq olmayan insanla ünsiyyətə çox vaxt sərf etməyin.
Ailənin yaşlı üzvləri yaxşı məsləhətlər verəcəklər.
Axşam saatlarında pul və ya hədiyyə almağınız istisna deyil.
Xərçəng - yanınızdakı insanlar dediklərinizi yanlış anlayırlar. Bu səbəbdən hətta ən yaxın insanlarla ortaq məxrəcə gəlmək çətinləşir. Birgə işlərə, layihələrə başlamaq məsləhət deyil. Tərəfdaş və ya şəriklərlə sonsuz mübahisələrə görə bu işi yarımçıq qoymaq məcburiyyətində qalacaqsınız.
Maliyyə itkiləri və uğursuz alış-veriş istisna deyil.
Günün ikinci yarısında yeni təcrübə və dəyərli biliklər əldə edə bilərsiniz. Daxili problemlərdən birinin həll zamanıdır.
Axşam saatlarına yaxın şəxsi həyatınızla bağlı mühüm qərar qəbul etmək olar.
Şir - yaxın ətrafınızdakı insanlar sizə çoxsaylı məsləhətlər versələr də, bildiyiniz və dürüst saydığınız təki hərəkət edin. İntuisiyanız çox kəskindir. Hisslərinizə güvənə bilərsiniz. Yanınızdakı insanların istəklərini anlamağa çalışın. Bu gün kiminləsə münasibətlər yaranarasa, həmin təmas uzun müddət davam edə bilər.
Günün ikinci yarısında soyuqqanlı və təmkinli olun. Emosiyaların əsarətində çabalamayın. Uzaq səfərə çıxmayın. Rahat, alışdığınız, komfortlu şəraitdə maksimum vaxt keçirin.
Qız - şəraitdən və situasiyadan asılı olmayaraq unutmayın ki, ən çətin vəziyyətdən çıxış yolu var. Ən ağır durumlarda müttəfiq və ya dostların yardımlarına bel bağlaya bilərsiniz. Məsləhətli donun gen olduğunu unutmayın. İndiyədək yaxşı heç nə gözləmədiyiniz insanlar belə, ideyalarınızı dəstəkləyəcəklər. İndiyədək bədxahlıqdan başqa heç nə etməyən adam isə müttəfiqə çevriləcək.
Günün ikinci yarısında yaradıcı yanaşma, təxəyyülün pərvazını tələb edən işlərdə uğur qazanacaqsınız. Darıxdırıcı, rutin və sönük işlərlə məşğul olmaq asan deyil.
Axşam saatlarında kiçik travmalar istisna deyil. Ehtiyatlı olun.
Tərəzi - yeni işə və ya layihəyə başlamaq, səfərə yollanmaq üçün əlverişli gündür. Alış-veriş etmək olar. Bahalı qacetlərə, məişət texnikasına fikir verin.
Kulinariya ilə maraqlanırsınızsa qeyri-adi təamlarla eksperimentlər apara bilərsiniz.
Günün ikinci yarısında şəxsi münasibətlərdə təşəbbüskar olun. Cəhdləriniz gözləntilərinizin tam əksinə olaraq yaxşı qarşılanacaq. Axşam saatları yaxınlaşdıqca müsbət təmayüllərin təsiri güclənəcək. Ailənizlə birlikdə vaxt keçirməyi unutmayın.
Əqrəb - adi günlərdən fərqli olaraq işlər çoxdur. Yaxşı tanımadığınız insanlara inanmayın, ciddi işlərdə tərəfdaşlığı etibar etməyin. Sizdən yararlanmaq, hesabınıza pul qazanmaq istəyən insanlar az deyil.
Sərvaxt və sayıq olun.
Günün ikinci yarısında maliyyə məsələlərini həll etmək, anlaşma və sövdələşmələri nəzərdən keçirmək məsləhət deyil. Alış-verişdə bahalı əşyalar almayın.
Axşam saatlarında əhvalınız yaxşı olacaq. Çoxsaylı işlərə rəğmən yorğunluq hiss etməyəcəksiniz. Dəvət aldığınız yerə yollanmağı unutmayın. Yeni tanışlıqlar istisna deyil.
Oxatan - yaxın ətrafınızdakı insanların tam əksəriyyətinin bacarmadığı, öhdəsindən gələ bilmədiyi işi görə bilərsiniz. Heç gözləmədiyiniz yerdə və saatda uğura nail olacaqsınız. Təbii, bütün bunlarda təsadüfün rolu az deyil. Amma bacarıq və istedınızı da aşağılamayın.
Günün ikinci yarısında sizi tərifləyənlər, dəyər verənlərlə yanaşı, paxıllıq edənlər də az olmayacaq. Yeni tanışlıqlara çox inanmayın.
Sıx ünsiyyət üçün əlverişli gün deyil.
Oğlaq - yaxın gələcəklə bağlı perspektivlərinizi düşünün. Planlarınızı təhlil edin. Yaşam təcrübəsi sizinlə müqayisədə xeyli çox olan insanla məsləhətləşməyi unutmayın. Ağıllı və məntiqli insanlarla məsləhətləşmələr üçün yaxşı gündür. Onlardan biri ilə sıx təmaslar qurun.
Günün ikinci yarısında cari işlər arasında məkanda sürəkli yerdəyişmələr tələb etməyəni daha yaxşı alınacaq. Axşam saatlarını evdə keçirin, qüvvənizi bərpa edin.
Dolça - işlərə qətiyyətlə başlayın, iradəli olun. Yalınz belə olarsa, uğur qazana bilərsiniz. Qüvvənizi olduğundan artıq dəyərləndirsəniz, həddən tez yorularaq usana bilərsiniz. Səhhətinizdə problemlər yarana bilər. Xroniki ağrıların kəskinləşməsi istisna deyil. Özünüzü qoruyun. Təcili və təxirəsalınmaz olmayan işləri ertələyin.
Günün ikinci yarısında dəyər verdiyiniz insanla görüşün, problemləri onunla müzakirə edin. Pozitiv əhval ala bilərsiniz. Axşam saatlarında alış-verişə çıxmaq olar. Yaxınlarınızdan birinə hədiyyə almağı unutmayın.
Balıqlar - asan və rahat gündür. Başladığınız işdən həzz almağa çalışın. Yaradıcılıq potensialınızın səviyyəsi yüksəkdir. Qeyri-standart problemlərin həllində çətinlik çəkməyəcəksiniz. Yeni ideyalarınız pis deyil və yaxın ətrafınızdakı insanlar da bunu etiraf edirlər.
Günün ikinci yarısında zərərli vərdişlərdən birindən qurtulun. Rasiona fikir verin, sağlam qidalanın. Axşam saatlarını aktiv keçirin.
Normal istirahət etməyə çalışın.
Milli.Az
