Azərbaycanda koronavirus pandemiyası ilə bağlı tətbiq edilən xüsusi karantin rejiminin qaydaları aprelin 27-dən bir qədər yumşaldılıb. Bəzi xidmət sahələrinin, geyim mağazalarının fəaliyyətinə icazə verilib. Amma hansısa səbəbdən bərbərlərin fəaliyyət göstərməsi məqsədəuyğun sayılmayıb. Bu cəmiyyətdə xeyli suallar yaradıb?Məgər bərbərxanada mağazalardan daha çox sıxlıq olur? Yaxud kiçik bərbərxanaların fəaliyyətini müəyyən məhdudiyyətlərlə bərpa etmək olmazdımı? Bu sualların cavabı açıq qalır. Nazirlər Kabinetinin Operativ Qərargahı bu barədə hələ ki, heç bir açıqlama verməyib. Amma qərargahın keçirdiyi mətbuat konfransında istər mətbuat xidmətinin rəhbəri İbrahim Məmmədovun, istərsə də digərlərinin saç düzümü çoxlarının diqqətindən qaçmayıb. Hər kəsi bir sual düşündürür: Əgər bərbərxanalar fəaliyyət göstərməsi bu cənablar harada başlarını belə qaydaya salırlar? Yoxsa onlar üçün özəl bərbərxanalar yaradılıb?
(anaXeber.info)