[/center]Qazax Rayon İcra Hakimiyyəti başçısı Rəcəb Babaşovun birinci müavini Məmməd Alıyev yenidən "gündəm" olub. Qeyd edək ki, zaman-zaman barəsində yerli KİV-də müxtəlif ittihamlar səsləndirilən Məmməd Alıyev buna görə rəhbərliyin tənbehinə də tuş gəlib.
"DİA-AZ" xəbər verir ki, bu dəfə də sosial şəbəkələrdə Məmməd Alıyevin ünvanına ittihamlar səsləndirilib.
Həmin paylaşımı olduğu kimi diqqətə çatdırırıq:
"Bu gün Qazax rayon sakinləri Məmməd Alıyevin özbaşınalıqlarından rəsmən təngə gəliblər. Adam özünü elə aparır ki, guya rayonun icra başçısı budur. Elə hər yerdə belə də deyir.
Deyir ki, Rəcəb Babaşov zəif iradəli olduğundan rayonu o idarə edir, Bakı da məhz onunla hesablaşır. Görünür, haqlıdır. Çünki ondan edilən şikayətlərə baxan yoxdur.
Məmməd Alıyev illərdir ki, yuxarıdakı adamlarına güvənərək vətəndaşlara hədə-qorxu gəlir. Bir tədbir olduqda idarə və müəssisələrə zəng edib gəlməyəcəkləri halda işdən çıxarmaqla hədələyir.
Kimdən xoşu gəlmirsə bir zənglə işini bitirir. Ona görə də çoxu susmağa üstünlük verir".
Xatırladaq ki, M.Əliyev pandemiya dövründə oğluna çal-çağırlı toy etməsi, bələdiyyə sədri olan bacısı oğluna xəstəxanada əlavə iş verdirməsi və oğlu Elnur Alıyevə 120 min dollarlıq “Land Cruiser” avtomobili alması ilə gündəm olmuşdu. Bir sözlə, əlində külli miqdarda pulu və sərvəti olan Alıyev Qazaxda rəsmən at oynadır...
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
