Vüqar Kərimovun cənubda "Qara kassa"sı kimi tanınan 11 saylı Regional Meşə Təsərrüfatı Mərkəzinin direktor müavini Rahib Ağayev Cəlilabad meşələrində olan adları "Qırmızı kitab"a düşmüş qiymətli ağacları kəsdirərək Cəlilabad və Masallıdan olan fermerlərə satdırır. Sözügedən payalar çiyələk əkinində geniş istifadə olunur. Redaksiyamıza daxil olan məlumatlara görə, iki metrlik payanın biri iki manata satılır. Daxil olan şikayətlərdə isə o qeyd olunur ki, Rahib Ağayev Cəlilabad meşələrindən işlik materialların kəsilib sexlərə satılmasında əsas rol oynayır. Çünki bir neçə dəfə ekologıyanın qorunması üzrə QHT-nın əməkdaşları Cəlilbad ərazisində "mersedes" markalı maşında çəkilmiş şpal tuturlar və az sonra bəlli olur ki, tutulan materiallar Rahibin köməkliyi ilə buraxılmışdır. Faktdır ki, Rahib Cəlilabadın meşə gözətçilərinə hərtərəfli sərf edir. Çünki, əraziyə yoxlamalar gələndə bu şəxs "dayday"sı Vüqar Kərimovun əli ilə hər şeyi yoluna qoyub örtbasdır etməyi bacarır. Cəlilabaddın meşə gözətçilərindən birinin verdiyi məlumatlara görə, Rahib Ağayev meşə gözətçilərinə deyir ki, həkimim mənə "kərə" yağı yeməyi məsləhət görüb, ona görə də siz mənə "kərə" yağı təşkil edin. Mən də "kərə" yağı olmadığı üçün gedib cibimin pulu ilə 20 manata alıb Rahib müəllimə verdim. Ümid edirik ki, Korrupsiyaya Qarşı Baş Mübarizə Idarəsinin növbəti əməliyyatlarından birı 11 saylı Regional Meşə Təsərrüfatı Mərkəzində olacaq.
P. S. Unutmaq olmaz ki, indiki zamanda “domaşnıy” kərə yağı heç nazirin də əlinə düşmür.
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!
Nyus.Az
