Nyus.Az xəbər verir ki,Mediatv.az-ın saytının redaksiyasına 6 nəfər Cəlilabad rayon sakininin şikayəti daxil olub. Həmin vətəndaşlar-Paşayeva Güldəstə,Paşayeva Nuranə,Əhədov Rəfail, Məmmədov Adəm,Hüseynova Könül və Əhədova Gülşad iddia edirlər ki, Xüsusi Müalicə Sağlamlıq Kompleksinin, eyni zamanda 1 saylı Psixiatriya Xəstəxanasının psixiatr həkimi Leyla Həsənzadə Uşaq Nevroloji Xəstəxanasının nevropatoloq həkimi Mehriban Məmmədova ilə əlbir olaraq onları aldadaraq ümumilikdə 12600 (on iki min altı yüz) manat pullarını rüşvət kimi almış, yerli səhiyyə müəssisələrindən Bakıya istiqamətləndirilən xəstə uşaqlarını təkrar tibbi-sosial ekspertiza müayinəsindən keçirəcəklərini və pensiya təminatına imkan verən müayinə nəticəsi əldə etdirəcəklərini vəd etmişlər.Şikayətçilərin bildirdiyinə görə pulun bir hissəsini Xətai rayonu ərazisində yerləşən özəl klikaların birində,digər bir hissəsini isə Səbail rayonu ərazisində yerləşən Xüsusi Müalicə Sağlamlıq Kompleksində veriblər.
Lakin vətəndaşların üz tutduqları və adları çəkilən həkimlərin onlara verdikləri sənədi təqdim etdikləri növbəti instansiyada - Respublika Tibbi-Sosial Ekspertiza Mərkəzində onlara deyiblər ki, sənədlər keçərsizdir.
Mediatv.az xəbər verir ki, vətəndaşlar qeyd edirlər ki, Leyla və Mehriban adlı həkimlər cütlüyü onların dələduzluq yolu ilə ələ keçirdikləri pullarından 4000 (dörd min) manatı qaytarsalar da, qalan hissəsini qaytarmaqdan yayınırlar. Bildirirlər ki, Xətai Rayon Polis İdarəsinin 35-ci Polis Bölməsinə və Səbail rayon Polis İdarəsinə şikayət etsələr də, hələ də aparılan araşdırmanın müsbət nəticəsi yoxdur.
Araşdırmamız davam edir..
Nyus.Az
