Zərif Mehdiyev Yevlax şəhər 4 saylı tam orta məktəbin COVİD-19-dan ölən sabiq direktoruna rəhmət oxutdurur
Kadrlarda gördüyünüz bu acınacaqlı mənzərə Yevlax şəhəri Qənbər Məhərrəmov adına 4 nömrəli tam orta məktəbdə lentə alınıb. Görüntülərdən məlum olur ki, məktəbin hasarı uçub, idman meydançasını qamışlıq, ot - ələf basıb. Məktəb baxımsiz vəziyyətdədir. Redaksiyamıza müraciət edən Yevlax sakinləri bildirirlər ki, Zərif Mehdiyev direktor vəzifəsinə təyin olunandan məktəbdə təhsilin səviyyəsi sıfır dərəcəyə enib. Belə ki, Zərif Mehdiyevin rəhbərliyi dövründə məktəbin bir nəfər də olsun məzunu ali məktəbə qəbul olmayıb. Bu il də tələbə adını qazanan yoxdur. Bu il 4 nömrəli tam orta məktəbdə 74 şagird sinifdə qalıb. Bu barədə məktəb rəhbərliyi tərəfindən valideynlərə heç bir rəsmi bildiriş və xəbərdarlıq göndərilməyib. Odur ki, valideynlər rayonun hüquq-mühafizə orqanlarına şikayət ediblər. Bəlkə də Zərif Mehdiyev öz sərt tədbirlərini onunla əlaqələndirməyə çalışar ki, məktəblilər qorxu səbəbindən dərslərini yaxşı oxusunlar. Amma aydın məsələdir ki, uşaq və yeniyetmələrə basqı, təzyiq yolu ilə nailiyyət göstəricilərini yüksəltmək qeyri-mümkündür. Direktor dəyişikliklərə özündən başlamalı, kollektivlə səmərəli iş aparmalıdır ki, müəllimlər tədris etdikləri fənləri şagirdlərə sevdirə, onları həvəsləndirə bilsinlər. Uşaq elə məktəbin hasarına baxanda onun oxumağa həvəsi qalmır. Əvvəlki xoş günləri yada salan məktəblilər və onların valideynləri sabiq direktor, iki il əvvəl koronavirusdan dünyasını dəyişmiş Mehriban İmanovanın ruhuna rəhmət diləyirlər. brahim Hümbətov //azerinfo.az//
Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!