Hörmətli oxucular! Dünən media həmkarlarımızdan olan regionxebertv.tv xəbər portalının təsisçisi və baş redaktoru Teymur Rüstəmov adlı şəxs, redaksiyamıza olduqca sensasiya doğurabiləcək məlumatlar çatdırdı. Yəni, onun üz-üzə qaldığı problem həqiqətən də ciddi problemlərdən olduğu üçün, məsələnin mahiyyəti ilə bağlı hər kəsi məlumatlandırmaq qərarına gəldik. Yəni, Teymur Rüstəmov çatdırdığı məlumatlarla bağlı onu bildirdi ki, “Yevlax şəhərində fəaliyyət göstərən və Esmira xanım Misirxanovanın işlətdyi “Zeytun” aptek, şəhər sakini olaraq daim dərman pereparatlarının aldığım apteklərdəndir. Çünki, Esmira xanım iş üslubu haqda az-çox məlumatlı olduğumdan, daim dərman peraparatlarını həmin aptekdən alırdım. Elə ki, yenidən dərman almağıma ehtiyac yarandı, o halda bu məqsədlə 8 fevral 2022-ci il tarixdə “Zeytun” aptekə getdim. Ümumi söhbət əsnasında bəlli oldu ki, almalı olduğum dərman həmin aptekdə yoxdur.
Onu da qeyd edim ki, Sənan adlı həmkarlarımız Esmira xanım Misirxanovanın işlətdyi “Zeytun” aptekdə qol qoyulan hansısa qanunsuzluqla bağlı həyata keçirdiyi çəkilişi xəbər portalına yerləşdirib, həmin materialın lingini 7 fevral 2022-ci il tarixdə mənim WhatsApp nömrəmə göndərmişdi. Yəqin ki, onun belə bir addımı atmasına səbəb, mövzu haqqında mənim də məlumatlı olmağıma nail olmaq olur. Elə ki, dərman almaq məqsədilə 8 fevral 2022-ci il tarixdə “Zeytun” aptekdə oldum, həmin vaxt Esmira xanıma “Bilirsinizmi, sizin işlətdiyiniz apteklə bağlı Sənan adlı şəxs çəkiliş həyata keçirilib və hazırladığı mövzunu sayta da yerləşdirilib. Düzdür, çəkilişin silinməsi ilə bağlı Sənandan xahiş etmişəm, o, isə cavabında “Mən dövlətimə xidmət edirəm, bu işlə aiddiyatı dövlət qurumları məşğul olacaqlar” deyə cavab verdi. Həmin vaxt Esmira Misirxanova “Sənan məni şantaj edir və qeyd etdiyin məsələ ilə bağlı, Yevlax ŞPŞ-i rəisinin müavini Əfqan müəllim bir şəxs göndərmişdi. Həmin şəxs bura gəldi və o, “Əfqan müəllim bu işin ört-basdır olunması üçün, məndən 5 min manat pul istəyir” dedi. O halda ona “Esmira xanıma, sən nə etmisən ki, Əfaqan müəllim səndən belə bir məbləğdə pul istəyir” dedim. Elə ki, az vaxt keçdi, Esmira Misirxanova mənim yanımda Əfqan müəllimi təhqir etməyə başladı. Həmin vaxt ona, “Xanım, Əfqan müəllim tanıdığım şəxsdir, xahiş edirəm ki, onu mənim yanımda təhqir etmə” deyib apteki tərk etdim. Yəni, mən Esmira Misirxanovadan pul tələb etməmişəm, yaxud da ona kiməsə pul ver deməmişəm. Buna baxmayaraq, adı çəkilən bu xanım Yevlax ŞPŞ-də yazmış olduğu ərizəsində, guya ki, mənim ondan 5 min manat pul tələb etməyimlə bağlı şikayət ərizəsi yazır. Hətta, o, onu da qeyd edir ki, “Bununla bağlı məndə çəkiliş var və həmin çəkilişi məhkəməyə də təqdim edəcəyəm”. Təqribən 5-6 gün bundan öncə isə, Yevlax ŞPŞ-nin əməkdaşları mənə zəng edib şöbəyə gəlməyimi xahiş etdilər. Elə ki, polis şöbəsində oldum, həmin vaxt onlar mənə “Sənin 5 min manat pul tələb etməyinlə bağlı Esmira xanım şikayət ərizəsi yazıb” dedilər. Bir sözlə, məni bu xanımın şikayət ərizəsi əsasında Yevlax ŞPŞ-də 48 saatdan bir qədər artıq saxladıqdan sonra, şəhər məhkəməsinə apardılar. Keçirilən məhkəmə prosesi zamanı Esmira xanım “Teymur, saninlə heç bir düşmənçiliyim yoxdur, sadəcə olaraq ŞPŞ-də mənə dedilər ki, ərizəni belə məzmunda yaz. Mən də ərizəni polis əməkdaşlarının tələb etdikləri mənmunda yazıb onlara təhvil verdim. Hətta onlar mənə “Esmira xanım, əgər şikayət ərizəni geri götürərsənsə, o halda barəndə cinayət işi açacağıq” dedilər.
Düşünürük ki, bu məqalənin yayımlanmasından sonra Azərbaycan Respublikasının Daxili İşlər naziri cənab Vilayət Eyvazov, problemin varlığını şəxsi nəzarətinə götürəcək və hər kəsin əməlinə hüququqi qiymət verilməsi yöndə, aidiyyatı üzrə lazımi tapşırığını da verəcək. Çünki hər kəs, ələlxüsus bütün KİV nümayəndələri bilirlər ki, cənab Nazir vəzifəsinin icraasına başladığı ilk gündən media mənsubları ilə əməkdaşlığa xüsusi önəm vermiş və hər zaman haqqı-ədaləti qorumağa da çalışmışdır.
Mövzu diqqətimizdədir.
Nyus.Az
