Deyəsən Xəzərin sabiq icra başçısının qardaşı BŞİH-nin başçısı cənab Eldar Əzizova “əzələ nümayiş etdirir”
Bugünlərdə Xəzər rayon Mənzil Kommunal Təsərrüfatı Birliyində büdcə vəsaitlərinin müxtəlif adlar adı altında mənimsənilməsi, çoxsaylı qanunsuzluq hallarının tüğyan etməsi və digər xoşagəlməz olayların baş verməsi ilə bağlı Nyus.Az saytının redaksiyasına daxil olan silsilə məlumatları eşitdikcə, sanki şoka düşdük. Buna da səbəb o oldu ki, sən demə hal-hazırda birlikdə rəis vəzifəsini daşıyan Böyükağa müəllim, vəzifəsinin icrasına başladıqdan az sonra “böyük işlər”lə məşğul olmağa başlayır. Onu bildirək ki, bu şəxs Xəzərin sabiq icra başçısı Gülağa müəllimin dopdoğmaca qardaşıdır və qardaşı icra başçısı olarkən, o, Xəzər rayon Mənzil Kommunal Təsərrüfatı Birliyində rəis müavini vəzifəsini daşıyırdı. Elə ki, Gülağa müəllim daşıdığı vəzifəsindən uzaqlaşdırıldı, o halda o, müxtəlif vasitələrdən istifadə etməklə birlikdə rəis vəzifəsinə sahiblənə bilir. Məhz, belə bir bağlılığın nəticəsidir ki, adı çəkilən bu şəxs düşündüyü, yaxud da atdığı addımları zamanı, hər zaman “yaşıl işıq”la üz-üzə qalır. Məsələn, əldə etdiyimiz digər məlumatlara görə Böyükağa müəllimə bağlılığı olan bir çox şirkətlər var ki, əksər hallarda həmin şirkətlər keçirilən tenderlərdə “qalib çıxırlar”. Yəni, məsələnim mahiyyəti ondan ibarətdir ki, Xəzər rayon Mənzil Kommunal Təsərrüfatı Birliyi tabeçiyiyində fəaliyyət göstərən “JEK”lərin işçilərinə gödəkçələr, süpürgələr, lazımi texniki vasitələr və s. almaq adı altında, “qalib çıxmış” şirkətlərə pul köçürmələri həyata keçirir. Əslində isə, təmizlik işləri ilə məşğul olan “JEK” işçilərİ köhnə gödəkçələrlə iş başında olurlar, süpürgə və digər lazımi texniki vasitələrlə təminatları da lazımınca ödənilmir. Yəni, adı çəkilən qurumun maliyyə şöbəsinə rəhbərlik edən Nəsib Qocayev, belə bir adlar adı altında pul köçürmələrini həyata keçirir, amma əksər hallarda heçnə nə alınmır. Bu cür addımları atmaqla, köçürülmüş pul vəsaitlərinin mənimsənilməsi qanuni yolla rəsmləşdirilir. Belə bir halın varlığı da, artıq bu sahədə çalışan işçilərin daxili narazılıq hissinin “pik nöqtə”yə çatmasına səbəb olmaqdadır. Daha xoşagəlməz halın varlığı isə ondan ibarətdir ki, Böyükağa müəllim belə bir narazılıq hissinin baş qaldırmasına qətiyyən əhəmiyyət vermir. Bu da onu söyləməyə əsas verir ki, Xəzər rayon Mənzil Kommunal Təsərrüfatı Birliyində rəis vəzifəsini daşıyan bu şəxsi düşündürən məsələ, yalnız büdcə vəsaitlərini mənimsəmək, daha çox var-dövlət əldə etməkdir.
Əldə etdiyimiz başqa bir məlumatlara görə, Xəzər rayon Mənzil Kommunal Təsərrüfatı Birliyində vəzifə sahibi olan şəxslər, 13 fevral 2018-ci il tarixdə ərazidəki birmərtəbəli yaşayış mənzilinin yarısını hərrac yolu ilə satırlar və əldə olunan pul vəsaitini də dövlət büdcəsinə köçürürlər. Amma, həmin şəxslər müəyyən fırıldaq əməllərinə də qol qoyurlar. Yəni, rəsmi sənəddə hərraca çıxarılan mənzilin yarısının satıldığını rəsmləşdirsələr də, əslində mənzilin hamısının satıldığı bildirilir. Yəqin ki, bir neçə ay bundan öncə Xəzər rayon İcra Hakimiyyətinə başçı təyin olunan cənab Elşən Salahov, adı çəkilən şəxslərin fırıldaq əməllərinin ayrıd olunmasına lazımınca diqqət yetirəcək. O halın da varlığını ehtimal etmək olar ki, araşdırmalar zamanı istər Böyükağa müəllimin, istərsə də Nəsib Qocayevin qol qoyduqları çoxsaylı qanunsuzluqlar aşkara çıxarılacaq.
Düşünürük ki, məqalənin dərcindən sonra aidiyyəti qurumlar, ələlxüsus BŞİH-nin rəhbərliyi Böyükağa müəllimin qol qoyduğu “böyük işlərə əl gəzdirib”, çox yaxın vaxtlarda lazımi addımlarını da atacaqlar.
P.S. Redaksiyamıza daxil olan məlumatlarla bağlı Nəsib Qocayevlə əlaqə saxlayıb, qarşı tərəf olaraq ondan problemlərin varlığına münasibət bildirməsini xahiş etdikdə, o, ilk əvvəl mobil telefonuna cavab verdi, az sonra isə özünün başqa şəxs olduğunu dilə gətirdi. Ona görə də, məqaləni qarşı tərəfin mövqeyini öyrənmədən dərc etməyə məcbur olduq.
Bu və ya digər olaylarla bağlı növbəti sayımızda. Odur ki, bizi izləməyi unutmayın.
Nyus.Az
