Sürücünün sükan arxasında ürəyi tutdu, qəza baş verdi - Lökbatanda
Bakıda sürücünün sükan arxasında ürəktutması qəzaya səbəb olub.
Nyus.Az avtosfer.az-a istinadən xəbər verir ki, hadisə Qaradağ rayonunda, Lökbatan qəsəbəsində qeydə alınıb. Belə ki, 1957-ci il təvəllüdlü Qəhrəman Babayevin ürəktutması nəticəsində idarə etdiyi avtomobil yol kənarındakı maneəyə çırpılıb. Sürücünün sükan arxasında ürəktutmadan öldüyü məlum olub. Hadisə zamanı avtomobildə ondan başqa 2 sərnişin də olub. Onlar xəsarət almayıb.